TIBAR, 10 ABRI L 2026
Vise-Primeiru-Ministru, Ministru Koordenadór ba Asuntu Ekonómiku (MKAE) no Ministru Turizmu no Ambiente (MTA), Francisco Kalbuadi Lay, ofisialmente lansa seremónia hand-over site ba reabilitasaun Laboratóriu Nasionál, iha Tibar, Munisipiu Liquica.
Serimonia Lansamentu ne’e, akompania mos Koordenadór Jerál MKAE, Jorge Rui de Carvalho Martins, Inspetora Jerál AIFAESA, Dra. Odete da Silva Viegas.
Tuir, Vise Primeiru Ministru, Ministru Koordenador ba Asuntu Ekonómikus, katak Projetu reabilitasaun ne’ebé lokaliza iha Tibar, Munisípiu Liquiça, sai nu’udar pasu estratéjiku Governu nian hodi asegura kualidade no seguransa ai-han ne’ebé sirkula iha rai-laran.
“Ohin loron kmanek ida ne’e sai hanesan momentu importante no istóriku ida ba Timoroan hotu-hotu. Projetu reabilitasaun ida ne’e iha signifikadu estratéjiku boot tebes ba ita-nia nasaun, liuliu iha esforsu atu reforsa seguransa no kualidade alimentár iha Timor-Leste,” dehan Vise-PM iha nia intervensaun.
Vise-PM mós subliña katak; laboratóriu ne’e sei sai hanesan pilar prinsipál hodi fó apoiu tékniku ba Governu atu asegura ai-han ne’ebé komunidade konsumu tuir padraun internasionál (seguru no saudável) no Aumenta kualidade teste, kontrolu, no monitorizasaun ba produtu sira no mos Promove konfiansa ba produtu Timor-Leste nian iha nível nasionál no internasionál, hodi proteje saúde públika.
Projetu reabilitasaun ne’ebé ezekuta husi kompañia Oceano Lda. ne’e planeadu atu remata iha fulan neen (6) nia laran. Paralelu ho obra fiziku, sei hala’o kedas mós programa kapasitasaun ba rekursu umanu (tékniku sira) hodi prepara sira-nia koñesimentu antes laboratóriu ne’e opera ho másimu.
Media MKAE
