Primeiru-Ministru Interinu atuál Vise-Primeiru-Ministru no Ministru Koordenadór ba Assuntu Ekonómiku, Ministru Turizmu no Ambiente, Francisco Kalbuadi Lay ho membru governu balun oferese almosu ida ba bainaka internasional hamutuk nain-10 ne’ebé partisipa iha série Palestra Prezidente nian.
Bainaka internasional sira ne’e mak hanesan tuir mai ne’e;
1.Prof. Dr. Dr. h.c. mult Frederik Paulsen emprezáriu, filantropu no aventureiru suisu-sueku. Prezidente Ferring Pharmaceuticals, nia mós koñesidu ba nia misaun esploratóriu sira ba Pólu Norte no Antártida, no apoia inisiativa sientífika no kulturál sira iha nivel mundiál. Nia maka filantropu ativu ida, ne’ebé kontribui ba área oioin, hanesan Institutu Salk iha San Diego, Akademia Textil Reál Butan nian, no South Georgia Heritage Trust iha Eskósia.
2.Roberto Klabin Ambientalista, advogadu no emprezáriu Brazileiru. Figura prinsipál ida iha turizmu sustentável, nia maka fundadór hosi Caiman Ecological Refuge no kampeaun ida hosi modelu negósiu sira bazeia ba konservasaun ne’ebé proteje biodiversidade iha Pantanal no Amazónia.
3.Ibrahim Sharaf Emprezáriu no investidór husi Médiu Oriente. Fundadór husi Sharaf Group, negósiu multinasionál ida ne’ebé maka kobre ró, lojístika, retallu, no viajen. Nia lori esperiénsia dékada barak nian iha eskala emprendimentu rejionál sira ba empreza globál sira.
4.Christopher Mouravieff-Apostol Ezekutivu finansa no umanitáriu internasionál. Ho background iha investimentu no filantropia, nia foka ba inisiativa sira ne’ebé kahur kapitál ho impaktu, partikularmente iha ekonomia sira pós-konflitu no emerjente sira.
5.David Hempleman-Adams esploradór no balaunista britániku. Ema dahuluk ne’ebé kompleta Explorers Grand Slam (to’o iha polu rua no sa’e Simeira Hitu), nia hatudu reziliénsia no lideransa estremu iha presaun nia okos.
6.Clifton Foster Arkeólogu no prezervasionista Amerikanu. Ho foku ba patrimóniu kulturál iha ambiente frajil sira, nia serbisu atu proteje pasadu nu’udar fundasaun ba identidade no sustentabilidade iha futuru.
7.Sven Erik Paulsen Eis-Olímpiku no emprezáriu. Reprezenta Suésia iha boxe iha Jogu Olímpiku sira no agora fó mentór ba atleta joven sira. Nia serbisu subliña dixiplina, konfiansa, no transformasaun pesoál liuhosi desportu.
8.Everard Brecanza Médiku indianu, umanitáriu, no inovadór sistema saúde nian. Nia serbisu ona iha zona konflitu sira no área sira ne’ebé ladún hetan atendimentu, hodi integra kuidadu saúde bazeia ba komunidade ho teknolojia no kompaixaun.
9.Warren Amason Emprezáriu no ezekutivu finansa Amerikanu. Ho esperiénsia dékada barak iha merkadu kapitál no investimentu estratéjiku sira, nia apoia ona emprendimentu sira iha faze inisiál no inisiativa filantrópiku sira iha mundu tomak. Nia iha paixaun liuliu kona-ba haburas lideransa étika no hanoin ba tempu naruk iha negósiu.
Carl Ulfert Stegmann Ezekutivu ró nian ne’ebé proeminente iha Alemaña, Dr. Carl Ulfert Stegmann serbisu iha Konsellu Jestaun AG Reederei Norden Frisia nian, fornesedór xave rejionál ró nian no servisu marítimu nian.