Ministru Koordenadór ba Asuntu Ekonómiku no Turizmu no Ambiente, Ministru Interinu Sr. Marcos da Cruz, akompaña husi Koordenadór Jerál MKAE, Sr. Jorge Rui de Carvalho Martins, partisipa iha audiénsia públika hamutuk ho Komisaun D Parlamentu Nasionál.
DÍLI, 20 Outubru 2026
Ministru Koordenadór ba Asuntu Ekonómiku no Turizmu no Ambiente, Ministru Interinu Sr. Marcos da Cruz, akompaña husi Koordenadór Jerál MKAE, Sr. Jorge Rui de Carvalho Martins, partisipa iha audiénsia públika hamutuk ho Komisaun D Parlamentu Nasionál.
Audiénsia públika ne’e iha objetivu atu habelar diálogu no koordenasaun institusionál entre Komisaun D Parlamentu Nasionál ho MKAE, MTA no entidade tuteladu sira.
Audiénsia públika ne’e sai nu’udar espasu importante atu hametin diálogu institusionál entre Komisaun D Parlamentu Nasionál no órgaun Governu sira, liuhusi troka hanoin, klarifikasaun no aprezentasaun informasaun kona-ba programa, atividade no responsabilidade institusionál sira.
Enkontru ne’e mós reflete papél Komisaun D Parlamentu Nasionál iha hala’o fiskalizasaun no promove transparénsia no responsabilidade públika, hodi asegura katak informasaun relevante kona-ba implementasaun polítika no programa Governu nian bele hetan atensaun no diskusaun institusionál.
partisipa iha audiénsia ne’e Ministru Koordenadór ba Asuntu Ekonómiku no Turizmu no Ambiente no entidade tuteladu sira.
Audiénsia públika ne’e sai parte ida husi esforsu atu haforsa komunikasaun no kooperasaun entre instituisaun Estadu sira, ho objetivu atu promove governasaun ne’ebé transparente, responsivu no orientadu ba interese povu no dezenvolvimentu nasionál.
