𝐁𝐫𝐮𝐧𝐞𝐢 𝐃𝐚𝐫𝐮𝐬𝐬𝐚𝐥𝐚𝐦, 𝟒 𝐌𝐚𝐢𝐮 𝟐𝟎𝟐𝟔

Iha ámbitu vizita ofisiál ba Brunei Darussalam, S.E. Primeiru-Ministru, Kay Rala Xanana Gusmão, ne’ebé akompaña husi Vise-Primeiru-Ministru no Ministru Koordenadór ba Asuntu Ekonómiku, Francisco Kalbuadi Lay, hala’o enkontru bilaterál no audiénsia restrita ho Sua Majestade Sultan Haji Hassanal Bolkiah iha Palásiu Istana Nurul Iman.
Enkontru ne’e dezenvolve iha atmosfera ida ne’ebé fraternál no íntimu, ne’ebé reafirma prosimidade entre Estadu rua. Nu’udar sinál ba hospitalidade no amizade ne’ebé kle’an no ms 𝐀𝐮𝐝𝐢𝐞́𝐧𝐬𝐢𝐚 𝐅𝐚𝐦𝐢𝐥𝐢𝐚́𝐫 nian husi, Sua Majestade simu delegasaun timoroan ho kordialidade boot, marka mós ho prezensa hosi membru Família Reál nian. 𝐀𝐥𝐦𝐨𝐬𝐮 𝐎𝐟𝐢𝐬𝐢𝐚́𝐥 iha Momentu konfraternizasaun ne’e hafesta liuhosi han-mutuk (almoço de cortesia) ne’ebé sai hanesan fatin ba troka hanoin ho modu informál no amigável.
Iha biban ne’e, Xefe Governu hato’o ninia gratidaun no apresiasaun kle’an (profunda apreciação) ba apoiu Brunei nian, liuliu kona-ba dezenvolvimentu rejionál no prosesu adezaun Timor-Leste ba ASEAN.
“Relasaun bilaterál ne’e la’ós de’it kooperasaun polítika, maibé bazeia ba amizade no respeitu mútuune’ebé sólidu. Vizita Sua Majestade nian ba Timor-Leste iha tinan 2024 sai hanesan marka istórika ne’ebé reflete vontade di’ak (boa vontade) no ligasaun afetiva entre ita-nia povu sira,” dehan PM Xanana Gusmão.
Iha konkluzaun, enkontru ne’e la’ós de’it hametin kooperasaun estratéjika, maibé mós foka liu ba espíritu solidariedade ne’ebé sai nu’udar fundamentu ba dezenvolvimentu, estabilidade, no prosperidade iha rejiaun Southeast Asia.