Iha loron 26 fulan setembru tinan 2025, Vise-Primeiru Ministru (V-PM), Ministru Koordenador ba Asuntu Ekonómikus (MKAE), no Ministru Tuirsmu e Ambiente (MTA), Francisco Kalbuadi Lay, lansa Portal Gabinete Ministru Koodenador ba Asuntu Ekonómikus (MKAE), iha eventu Aniversariu ba tinan ida (1) Timor Leste adeazaun ba Organizasaun Mundiál Komérsiu (OMK), ne’ebé realiza iha CCD, Dili.
Portal Gabinete MCAE lansa direita husi Vise-Primeru Ministru no Ministru Koordenador ba Asuntu Ekonómikus. Portal ida ne’e hanesan instrumentu públiku ida hodi asessu ba internet bainhira atu hetan informasaun kona-ba atividade Vise-Priemiru Ministru, Ministru Koordenador ba Asuntu Ekonómikus (MKAE), no Ministru Turismu e Ambiente (MTA).
Informasaun hirak ne’ebé publika iha Portal refere, liliu atividade prinsipal sira ne’ebé mensiona iha menu portal refere mak hanesan OMK, ASEAN, Setór Privadu, Negosiu Investimentu, Ekonomia Azul, no mos Ekonomia Verde. Nunee mos Publika bele asesu informasaun iha link website, www.mcae.gov.tl.