Sesta, 30 Outubru 2026, Vise-Primeiru-Ministru (V-PM), Ministru Koordenadór ba Asuntu Ekonómiku (MKAE) no Ministru Turizmu no Ambiente (MTA), Francisco Kalbuadi Lay, halao abertura ba serimonia Workshop kona-bá Implementasaun no Utilizasaun Plataforma Dijitál ANUNNAI, ba preparasaun Timor-Leste nian ba Prezidénsia ASEAN iha tinan 2029.
Sesta, 30 Outubru 2026, Vise-Primeiru-Ministru (V-PM), Ministru Koordenadór ba Asuntu Ekonómiku (MKAE) no Ministru Turizmu no Ambiente (MTA), Francisco Kalbuadi Lay, halao abertura ba serimonia Workshop kona-bá Implementasaun no Utilizasaun Plataforma Dijitál ANUNNAI, ba preparasaun Timor-Leste nian ba Prezidénsia ASEAN iha tinan 2029.
Ne’eduni liu husi Workshop ida nee atu aprezenta no esplika kona-bá implementasaun no utilizasaun Plataforma Dijitál ANUNNAI, hanesan parte husi esforsu Nunu Governu Konstitusional atu promove transformasaun dijitál no hadi’a sistema administrasaun pública, Workshop refere hala’o iha Ministeriu Negósiu Estranjeiru no Kooperasaun (MNEC), Praia dos Coqueiros, Díli.
Iha abertura ne’e Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Francisco Kalbuadi Lay, hatete nia haksolok teb-tebes partisipa iha workshop importante ida ne'e kona-bá ANUNNAI.
"Haksolok tebes atu hamutuk ho ita-boot sira ohin ba workshop importante ida-ne'e kona-ba ANNUNAI, ami nia plataforma dijitál ne'ebé propoin atu apoia preparasaun no entrega ba Kadeira ASEAN Timor-Leste nian iha 2029,” dehan V-PM.
Nia mos fo agradese ba Ministériu Negósiu Estranjeiru no Kooperasaun, partikularmente Diresaun-Jerál ba Asuntu ASEAN, tanba organiza workshop importante ida-ne'e no avansa ho implementasaun sistema digtal ANUNNAI.
Timor-Leste nia Kadeira iha ASEAN sei sai momentu importante ida iha istória. Ida-ne'e sei hatudu la'ós de'it Timor Leste nia abilidade atu sai uma-na'in ba enkontru rejionál sira, maibé mós kapasidade atu lidera, koordena no kontribui ba objetivu sira ne'ebé fahe hosi ASEAN.
“Ita prepara ba responsabilidade ida-ne'e, koordenasaun efetivu, komunikasaun di'ak no kooperasaun iha instituisaun governu hotu-hotu sei sai esensiál. ANUNNAI sei tulun ita halibur informasaun hamutuk, akompaña progresu, identifika dezafiu sira no garante katak ita-nia preparasaun la'o nafatin iha dalan loos,” nia dehan.
Plataforma ida ne'e sei la troka responsabilidade ka autoridade foti desizaun husi ministériu ka instituisaun ruma. Maibe, ida-ne'e sei hametin TL nia abilidade atu serbisu hamutuk, fahe informasaun ho seguru no asegura katak ema hotu kompriende sira-nia papél, responsabilidade no prazu servisu ba kada informasun.
“Ha'u enkoraja instituisaun partisipante hotu-hotu atu sai na'in ba prosesu ida-ne'e. Susesu ANUNNAI nian sei depende la'ós de'it ba plataforma ne'e rasik, maibé mós ba ami-nia lideransa, dixiplina, kooperasaun no kompromisu atu hato'o rezultadu sira,” nia hatete.
Prepara Timor-Leste la'ós de'it atu prezide ASEAN iha 2029, maibé atu lidera ho konfiansa, serbí ho responsabilidade no kontribui ho signifikativu ba ASEAN nia futuru. Ida-ne'e ezije instituisaun hotu-hotu atu serbisu hamutuk nu'udar governu ida de'it, ho vizaun ne'ebé fahe no objetivu ne'ebé hanesan.
