Governo da República Democrática de Timor-Leste — Palácio do Governo, Díli
— —

Vise-PM partisipa iha Reuniaun Konsellu Komunidade Ekonómika ASEAN ba dala-28 iha Filipina

1 min de leitura 52 visualizações
Esta informação ainda não foi traduzida para português. O texto abaixo é a versão original em Tetun.

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Francisco Kalbuadi Lay, partisipa iha Enkontru Koordenasaun Interministeriál ba dalima kona-bá adezaun Timor-Leste ba ASEAN, no Enkontru Konsellu Nasionál ba Prezidénsia ASEAN (ACNOC) ba dahaat.

Evento realizado 14 Novembro 2026 09:29

Manila, 14 Novembru 2026

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Francisco Kalbuadi Lay, partisipa iha Enkontru Koordenasaun Interministeriál ba dalima kona-bá adezaun Timor-Leste ba ASEAN, no Enkontru Konsellu Nasionál ba Prezidénsia ASEAN (ACNOC) ba dahaat.


Enkontru ne’e hala’o iha Salaun Nobre, Ministériu Negósiu Estranjeiru no Kooperasaun, Díli, Segunda, 26 Outubru 2026.

Enkontru hirak-ne’e atu kontinua hametin koordenasaun interministeriál no asegura preparasaun ne’ebé di’ak ba implementasaun responsabilidade Timor-Leste nian iha ASEAN, inklui preparasaun ba Prezidénsia ASEAN iha tinan 2029.


Enkontru Koordenasaun Interministeriál kona-bá adezaun Timor-Leste ba ASEAN oinsa atu koordena esforsu entre ministériu no instituisaun relevante sira, hodi kontinua promove implementasaun kompromisu sira ne’ebé relasiona ho adezaun Timor-Leste nian ba organizasaun rejionál ne’e.


Iha parte seluk, Enkontru Konsellu Nasionál ba Prezidénsia ASEAN (ACNOC) fó oportunidade ba instituisaun relevante sira atu kontinua koordena preparasaun no planeamentu ba Timor-Leste nia Prezidénsia ASEAN iha 2029, inklui aspetu organizasionál, institusionál no kooperasaun interministeriál.


Iha aprezentasaun iha enkontru ne’ebé lidera husi Primeiru-Ministru, Kay Rala Xanana Gusmão ne’e, Vise-Primeiru-Ministru, halo aprezentasaun kona-bá aspetu ekonómiku no preparasaun sira ne’ebé Timor-Leste presiza hala’o atu asume Prezidénsia ASEAN iha tinan 2029.


Iha aprezentasaun ne’e, Vise-Primeiru-Ministru hato’o pontu importante sira kona-bá preparasaun setór ekonómiku, inklui identifikasaun oportunidade investimentu, promosaun komérsiu no seluk tan.

Partilhar