Vise-Primeiru-Ministru Interinu, Ministru Koordenadór Asuntu Ekonómiku, no Ministru Turizmu no Ambiente liuhosi Ministru Agrikultura, Pekuária, Peska no Florestas, Marcos da Cruz aprezenta relatóriu orsamentu tinan fiskál 2025 no proposta OJE 2026 ba Parlamentu Nasional.
Iha diskursu durante sesaun aprezentasaun orsamentu tinan fiskál 2025 no proposta OJE 2026 ba Parlamentu Nasional, Vise-Primeiru-Ministru Interinu subliña, konaba Timor-Leste nia ekonomia hasoru ne’ebe nafatin dezafiu oioin, maibé iha oportunidade signifikativu ba kreximentu hodi hadi’a povu nia moris di’ak. “Ho ami nia forsa, determinasaun, no unidade, governu sei kontinua foti pasu hodi ultrapasa obstákulu sira no kapitaliza oportunidade sira ba moris di’ak povu nian”, nia hatete.
Iha ámbitu dezenvolvimentu ekonómiku, importánsia diversifikasaun liuhosi setór produtivu sira hanesan turizmu, agrikultura, no indústria petrolífera. Fiar katak potensiál boot hosi ekoturizmu, turizmu komunitáriu, no turizmu relijiozu tenke dezenvolve ho sustentável hodi fó benefísiu ba komunidade lokál sira no apoia negósiu doméstiku sira no protesaun ambientál.
Kona-ba relatóriu orsamentu, ba tinan fiskál 2025, Gabinete MCAE, inklui Sentru Konvensaun Dili (CCD), hetan orsamentu USD 4.503.490, ho taxa ezekusaun atuál 64%. Ida-ne’e kompostu husi: Kompromisu: USD 68,987.37 (2%), Despeza loloos: USD 2.790.287,81 (62%) no Saldu restu: USD 1,644,214.82 (36%)
Entretantu, ba tinan fiskál 2026, orsamentu ne’ebé aprova hosi governu ba MCAE–CCD atinje USD 8,874,311, ho detallu maka hanesan Saláriu no vensimentu sira: USD 1,724,311, Sasan no servisu: USD 2.000.000, Transferénsia públika sira: USD 150,000 no Kapitál dezenvolvimentu: USD 5.000.000
Ministru Agrikultura, Pekuária, Peska no Florestas, Marcos da Cruz iha deklarasaun ikus hato’o apresiasaun ba Deputadu sira nia apoiu no kolaborasaun. “Ha’u iha konfiansa katak ho parseria ne’ebé kontinua, ita bele halo progresu loloos ba ekonomia ida ne’ebé forte no sustentável liu ba Timor-Leste”.
