Sua exselensia Vise-Primeiru Ministru no Ministru Koordenadór ba Assunto Ekonómiku, Ministru Turizmu no Ambiente, Dato’ Seri Francisco Kalbuadi Lay akompaña husi Ministru Negósiu Estrajeiru no Kooperasaun Bendito Freitas, Vise Ministra ba asuntu ASEAN Milena Rangel, membru Governu no embaixador nasaun ASEAN nian inklui korpo diplomatiku sira ofisialmente lansa kampaña sensibilizasaun dalan ba ASEAN iha edifisiu MNEK, Praia dos Coqueiros, Dili, Kinta, 13 Marsu 2025.
Vise-PM apresia ba hotu-hotu nia serbisu hamutuk no dalan ba ASEAN hanesan aproximasaun ida oinsa prepara Timor-Leste nia adezaun tomak ba ASEAN.
Hato’o mós agradese ba Uniaun Europeia ne’ebé kolabora ho MNEK inklui Ministériu Administrasaun Estatal tanba, fó apoiu ba kampaña nasionál ne’e kona-ba prosesu no programa adezaun ba ASEAN.