Semináriu ne’e konta ho oradór prinsipál na’in-rua hosi PCA, Garth Schofield no Martin Doe, no partisipa hosi Xefe Justisa no Juis sira hosi Tribunál Rekursu, Juis Distritál , Prokuradór sira, advogadu no defensór públiku sira.
Iha ninia observasaun, Vise-Primeiru-Ministru afirma katak Timor-Leste nia adezaun nu’udar membru PCA ba dala 123 iha tinan 2024 signifika kompromisu nasaun nian ba orden jurídika internasionál no rezolusaun pasífika ba disputa sira. Nia mós subliña katak pasu ida ne’e komplementa Timor-Leste nia adezaun iha OMK no nia esforsu ba integrasaun iha ASEAN.

Timor-Leste nia partisipasaun iha PCA hodi hametin konfiansa internasionál iha nasaun no fornese mekanizmu rezolusaun disputa ba estadu sira, organizasaun internasionál sira, no setór privadu liuhosi arbitrajen, mediasaun, no verifikasaun.

Semináriu ne’e ho objetivu atu hasa’e komprensaun husi instituisaun governu, judisiáriu, no setór emprezariál kona-ba rezolusaun disputa internasionál no knaar PCA nian hodi apoia armonizasaun legál.
Vise-Primeiru-Ministru mós hato’o nia apresiasaun ba PCA, Ministériu Justisa, Ministériu Negósiu Estranjeiru no Kooperasaun, no Gabinete Primeiru-Ministru tanba bele organiza eventu importante ida ne’e