Dili, Loron 30 Fulan Setembru Tinan 2025

Vise-Primeiru-Ministru (V-PM) no Ministru Koordenadór ba Asuntu Ekonómiku (MKAE), Ministru Turizmu no Ambiente (MTA), Francisco Kalbuadi Lay, partisipa iha serimonia graduasaun hodi atribui sertifikadu ba formadu Nível I no II sira hamutuk nain 94 iha Sentru Nasional Formasaun Profisssional (CNFP)-Becora, Dili.

Prosesu formasaun ba formadu ne’e ho duransaun tempu fulan tolu (3), iha area Admistrasaun Jeral, IT-Hartwere, housekeeping no Servente da Mesa, ne’ebé mai husi joven sira foun remata estudu iha Sekundariu, husi Instituisaun Relioza no mos husi Instituisaun Falintil-Defeza Nasional Timor Leste.

Iha diskursu, Vise-PM MKAE no MTA, Francisco Kalbuadi Lay, hatete katak, atribuisaun sertifikadu ba formadu sira hanesan passu Importante ba Servisu non konstrusaun sivil ba foin foin sae sira no momentu ida ne’e liu fali husi serimonia ida ne’ebé hanesan sinal katak Timor-Leste investe iha ninia forsa boot liu ida ne’ebé maka iha ninia Povu hanesan formandor sira.

Vise-PM informa tan katak, Rekursu naturál sira iha Timor Leste, loron ida bele hotu maibé koñesimentu, abilidade, no dixiplina sei dura ba nafatin, maibe Forsa traballu ne’ebé forte no kualifikadu mak sei lori Timor Leste ba oin.

“Foinsae doben sira, imi nia sertifikadu sira laos deit rekompensa ba imi nia esforsu maibé mos hanesan passaporte ida ba futuru. Ho abilidade sira nee, ita boot sira prontu atu kompete iha merkadu traballu, laos deit iha Timor-Leste, maibe iha mos rejiaun mundu tomak ita boot sira lori responsabilidade atu uza matenek ida nee ho diak ba ita boot sira nia familia no ba ita boot sira nasaun nia dezenvolvimentu,” dehan Vise-Primeiru-Ministru no Ministru Koordenadór ba Asuntu Ekonómiku, Ministru Turizmu no Ambiente, Francisco Kalbuadi Lay, liu husi nia diskursu.

V-PM informa tan katak, ba sira ne’ebé foin remata formasaun iha CNFP Becora hanesan konfiansa ba sira iha merkadu servisu ninian. Iha ne’e mak hatudu duni papel formadu sira nian hodi ajuda duni atu forma futuru diak ida ba foin sae feto no mane servisu nain Timor-Leste nian.
Nune’e mós, Diretora Sentro Nasional Formasaun Profissional (CNFP)-Becora, Bernardete Pinto Miranda Gomes, sente orgullu no kontente tanba Vise-PM marka prezensa iha CNFP ne’e hodi fó motivasaun ba formandu sira iha merkadu traballu nian.

“ Ami esforsu atu oinsa fo formasaun ba ita nia alin sira , hasae sira nia esperensia ka sira nia matenek atu bele responde ba Merkadu rai laran nian. Hau esforsu atu hadia ulu kami nia formador sira liu hisi INDNO bai ha kualidade Formasaun liliu ba ami nia formador sira,”
dehan Diretora CNFP Becora.

Iha fatin hanesan, Diretora Instituto Nacional de Desenvolvimento de Mão-de-Obra, Instituto Público (INDMO, IP), Isabel Fernandes de Lima, agradese ba CNFP-Becora tanba fó ona formasaun ba Timoroan sira hodi prienxe iha merkadu traballu rai-laran no mos rai-liur.

“Hau husu ba alin graduadu sira, se imi diak, imi sei sai hanesan diamántiku ida ne’ebé sei lakan iha fatin ne’ebé imi servisu ba, ema sei buka tuir nafatin imi,” katak Diretora INDMO.

Media V-PM no MCAE