Iha loron 22-26 Juñu 2025,
Ministru Koordenadór Asuntu Ekonómiku, Koordenadór Jerál, Jorge Rui de Carvalho Martins, hamutuk ho membru delegasaun husi Ministériu Negósiu Estranjeiru no Kooperasaun, Ministériu Investimentu no Planeamentu Estratéjiku, Trade Invest no delegasaun hosi Indonézia, ne’ebé lidera husi Diretór Jerál Jurídiku ba Tratadu Internasionál ho membru delegasaun sira hosi Ministériu Negósiu Estranjeiru no delegasaun Ministériu Finansas. Hala’o Negosiasaun Tratadu Investimentu Bilaterál Ronda ba dala 3

Liu hosi sorumutu Negosiasaun Tratadu Investimentu Bilaterál ne’e hosi parte Timor-Leste no Indonézia, konsege finaliza substansialmente testu akordu nian. Aleinde ne’e mos husi parte Timor-Leste no Indonézia sei hala’o faze sira kona-ba esfregamentu legál nian no hala’o mos tradusaun ba testu ne’e rasik.

Akordu ne’e ho intensaun atu hasa’e kooperasaun investimentu, Foreign Direct Investment (FDI), Investimentu Diretu Estranjeiru (IDE), no fó protesaun ba investidór sira no ba sira-nia investimentu rasik.

Bazeia ba dadus husi Banku Sentrál Timor-Leste, iha tinan 2024, Indonézia mak sai hanesan fonte Foreign Direct Investment (FDI), / Investimentu Diretu Estranjeiru, ne’ebe boot liu ho fluxu investimentu hamutuk millaun 85,3 USD. Empreza Estadu no Privadu Indonézia oioin kontribui ona ba dezenvolvimentu iha Timor-Leste. Iha tempu hanesan, investidór sira husi Timor-Leste mós partisipa ona iha mundu investimentu iha Indonézia.