Koordenadór Jerál Gabinete Ministru Koordenadór Asuntu Ekonómiku (MKAE), Sr. Jorge Rui de Carvalho Martins, hala’o enkontru ho estrutura Sentru Konvensaun Dili (CCD) hodi ko’alia kona-ba desizaun Governu Konstitusionál da-IX ne’ebé koloka CCD iha MKAE nia kontrolu.

Iha enkontru ne’e, Koordenadór Jerál hato’o desizaun importante tolu governu nian: redusaun traballadór kazuál, ajustamentu no redusaun saláriu, no ajustamentu saláriu bazeia ba nivel edukasaun.

Nia subliña, desizaun sira ne’e finál no tenke implementa tuir regulamentu funsaun públika nian. Tinan ida ne’e nu’udar tinan atu implementa polítika governu nian, ne’ebé subliña husi Primeiru-Ministru.
Koordenadór Jerál ne’e mós fó hanoin ba funsionáriu hotu-hotu atu servisu ho responsabilidade no apoiu polítika governu nian ba bem-komum.

Média MCAE