Gabinete Vise-Primeiru-Ministru no Ministru Koordenadór ba Asuntu Ekonómiku (MKAE), liuhosi Unidade Estratéjiku ba Integrasaun Ekonómika (UEIE), distribui subsídiu públiku ba empreza mikro, ki’ik, no médiu (MSME) ba setór privadu tuir Dekretu no Regulamentu Ministeriál No. 47/2020, loron 2020 fulan-Novembru.
Husi 2023–2024, fó apoiu ba grupu sira iha AEMTL nia okos, CCI-TL, ACCC, no grupu independente sira iha munisípiu 10. Programa ne’e ho objetivu atu enkoraja empreendedorizmu no diversifikasaun ekonómika liuhosi atividade sira iha setór agrikultura, peska, pekuária, no indústria, no mós formasaun ba rekursu umanu.
Ekipa tékniku MKAE halo monitorizasaun diretamente ba implementasaun iha munisípiu 13. Totál benefisiáriu atinji 3.066 (2023) no 3.019 (2024).
Benefisiáriu balun maka hanesan:
- AEMTL: Sra. Angelina Ximenes (alfaiate ida iha Viqueque) no Sra. Amelia da Costa (vendedor ikan goreng iha Manatuto).
- ACCC: Grupu Foin Be’eno (soru-tais iha Oecusse) no Harapan Baru (produtór chips iha Dili).
- CCI-TL: Agrikultór hare iha Munisípiu Bobonaro no Baucau ne’ebé simu ekipamentu agrikultura nian.
- Grupu MSME sira seluk: EPAPANA (peska iha Atauro) no Arte Zenatu (artezenatu iha Dili).
Programa subsídiu públiku MKAE provadu ona atu ajuda negósiu ki’ik sira hasa’e produsaun, kria empregu, no hametin ekonomia lokál iha Timor-Leste laran tomak.