Xefe Unidades, Assessores, Pontu Fokál, Xefe Seksaun sira no mós ba Funsionáriu tomak Gabinete MKAE nian.
Ohin ita halibur hamutuk iha serimónia simples, retiru espirituál, ho fuan ne’ebé agradese , hodi selebra tempu Santo Natál ni’an ba ita nu’udar Maubere, natál ne’e mai ha’u liu fali data ida iha kalendáriu, ida ne’e mak tempu sagradu ida bainhira família sira halibur hamutuk, bainhira ita fahe perdaun no bainhira domin ita nian sai maka’as liu fali ita nia orgullu sira.
Ida ne’e mak tempu ida atu hanoin ita nia abut, ita nia fiar no ita nia responsablidade ba malu, mai ha’u pesoal isprítu Natál nian hanorin ita katak klareza la mai husi poder ka posisaun, maibé mai husi servisu sakrifisiu no kompaisaun, husi espirítu haraik an ne’e ita simu uluk, atu sai funu na’in ida ba Kristu. Maibé la’os ho forsa, maibe ho nia fiar, pasiensia no domin.
Nu’udar funsionáriu iha Gabinete no nu’udar funsionáriu públiku, espíritu Natál ni’an konvida ita atu trasnforma ita nia an uluk, atu ita nia dezempeñu sira sai responsavel, trasnparente no dedikadu. Husik ita nia servisu fatin, sai hanesan fatin ba koperasaun, fatin ba transparensia no fatin ba respeitu no apoiu ba malu.
Husik ita nia familía sira sai uma ba eroi nian no komprensaun nian ba ita hotu, husik ita nia komunidade sira no ita nia kreda sai forte liu husi ita nia Natál, ita nia ezemplu no ita nia komprimisiu atu servi ho fuan ne’ebe lós, ita mós tenki hanoin hetan ita nia responsablidade, atu servi povu Maubere, atu espíritu Natál ni’an tulun ita atu rona liu tan, atu tau matan liu tan no servisu maka’as liu tan ba ita nia povu nia moris di’ak, liu-liu sira ne’ebé vulneravel sira, atu ita nia desizaun no aksaun sempre hetan orientasaun husi Na’I Maromak ba ita nia konsiensia justisa no domin ba ita nia nasaun.
Natál hanorin ita kona-bá valór haraik an nian, ita hetan hanoin katak forsa lolos mai husi fuan ne’ebé haraik an.
Tamba ne’e Natál ida ne’e ha’u nia deseju bele hametin liu tan ita nia sentidu responsablidade ba povu Maubere ni’an, Liu-liu ba sira ne’ebé sei luta hela no sei la’o hela ba luta moris ida ne’ebe dignu. Mai ita servisu ho onestu, justu no korajen hanoin nafatin katak lideransa ne’e kona-bá servisu la’os pozisaun.
Natál mós tempu ida ba rekonsiliasaun ho fuan haraik an, ha’u hakarak hatete katak, iha ita nia moris loron -loron, iha servisu fatin liu husi ha’u nia dezisaun sira, liafuan ka argumentu ruma halo mosu dezintendimentu, laran kanek no deskonfortu ba imi hotu, mai ita perdua malu, kura buat ne’ebe mak rahun.
Ha’u haksolok tamba ohin ita sira ne’ebé mak durante ne’e hamutuk mai ho ha’u iha ne’e.
Hodi ida ne’e ha’u hato’o kslok Natál no tinan foun, Ksolok di’ak ba imi hotu.
Obrigadu Na’i Haraik bensaun bai ta hotu. ***
