Sua exselensia Primeiru-Ministru Kay Rala Xanana Gusmão, akompaña husi exselensia Vise- Primeiru Ministru no Ministru Koordenador ba Assuntu Ekonómiku, Ministru Turizmu no Ambiente Dato’ Seri Francisco Kalbuadi Lay, Ministru Negosio Estranjeirus no Kooperasaun Bendito Freitas, Vise Ministra Asuntu ASEAN Milena Maria da Costa Rangel, Vise Ministru Assuntu Parlamentar Aderito Hugo realiza enkontru bilateral ho Primeiru Ministru Vietnam.
Iha reuniaun bilateral ne’e Primeiru Ministru Vietnam Pham Minh Chính ho Primeiru Ministru Timor-Leste ko’alia kona-ba relasaun bilateral nasaun rua, liu-liu iha area Ekonomia, Agrikultura, Dijitalizasaun, Saude no seluk tan.
Biban ne’e mós Primeiru Ministru Vietnam hato’o votus parabéns ba Timor-Leste ne’ebé sai ona hanesan membru ASEAN.
PM Xanana mós agrdese ba Vietnam ne’ebé fo apoiu total ba Timor-Leste sai membru ASEAN.
Tuir planu Primeiru Ministru Vietnam sei vizita Timor Leste iha fulan junho tinan ne’e.

Fonte: Vise PM no Ministru Koordenador Ekonomia no Ministru Turizmu no Ambiente