Vise-Primeiru-Ministru no Ministru Koordenadór ba Assuntu Ekonómiku, Ministru Turizmu no Ambiente, Francisco Kalbuadi Lay, partisipa iha konferénsia internasionál ho tema “𝑨 𝑹𝒆𝒇𝒐𝒓𝒎𝒂 𝒅𝒐 𝑺𝒆𝒕ó𝒓 𝒅𝒂 𝑫𝒆𝒇𝒆𝒔𝒂 𝒆 𝑺𝒆𝒈𝒖𝒓𝒂𝒏𝒄̧𝒂: 𝒐 𝑬𝒏𝒔𝒊𝒏𝒐 𝑺𝒖𝒑𝒆𝒓𝒊𝒐𝒓 𝑴𝒊𝒍𝒊𝒕𝒂𝒓, 𝒂 𝑳𝒊𝒅𝒆𝒓𝒂𝒏𝒄̧𝒂 𝒆 𝒂 𝑫𝒆𝒇𝒆𝒔𝒂 𝒅𝒐𝒔 𝑹𝒆𝒄𝒖𝒓𝒔𝒐 𝑵𝒂𝒄𝒊𝒐𝒏𝒂𝒊𝒔” iha Ministériu Negósiu Estranjeiru no Kooperasaun iha loron Kuarta, 20 Agostu 2025.

Konferénsia internasionál ne’ebé hala’o iha salaun Nobre MNEK Praia dos Coqueiros ne’e, organiza husi Ministériu Defeza, instituisaun F-FDTL ho Organizasaun Intergovernamental g7+ hodi komemora Aniversáriu Ezisténsia Forsa Armada Libertasaun Nasionál Timor-Leste (FALINTIL, 20 Agostu 1975 – 20 Agostu 2025) ba dala-50 ho tema “𝑬𝒔𝒕𝒆𝒏𝒅𝒆𝒓 𝒂 𝑷𝒂𝒛 𝒂𝒐 𝑴𝒖𝒏𝒅𝒐.”

Konferénsia ne’e modera husi Professór UNTL, Aurélio Guterres, ho oradór prinsipál na’in tolu hanesan, Xefe Estadu Maiór Jenerál Falintil Forsa Defeza Timor-Leste (F-FDTL), Tenente Jenerál Falur Rate Laek, Xefe Estadu Maiór Jenerál Forsas Armadas Portugál, Jenerál José Nunes da Fonseca no Sekretáriu-Jerál g7+, Hélder da Costa.

Iha abertura, Primeiru-Ministru, Kay Rala Xanana Gusmão hateten, Timor-Leste laiha aliadu no laiha inimigu, maibé iha mak belun no maun-alin ho nasaun hotu iha mundu.

Konferénsia ne’e partisipa máximu husi Primeiru-Ministru, nu’udar mos Komandante em Xefe das FALINTIL, Prezidente Repúblika reprezenta husi Jenerál Lere Anan Timur no konvidadu sira husi nasaun seluk.