𝟐𝟎 𝐀𝐠𝐨𝐬𝐭𝐨 𝟐𝟎𝟐𝟓
Vise-Primeiru-Ministru no Ministru Koordenadór ba Assuntu Ekonómiku, Ministru Turizmu no Ambiente, Francisco Kalbuadi Lay partisipa komemorasaun loron moris Forsa Armada Libertasaun Nasionál Timor-Leste (FALINTIL, 20 Agostu 1975 – 20 Agostu 2025) ba dala-50 iha Tasi-Tolu, Dili.
Komemorasaun loron FALINTIL ba tinan ida ne’e marka ho asinatura Nota Intendimentu entre Repúblika Demokrátika Timor-Leste (RDTL) liu husi Ministériu Defeza ho Repúblika Popular Xina liu husi nia embaixada Xina iha Timor-Leste hodi harii hospital espesial ba militar sira iha tempu badak.
