Exselensia Vise – Primeiru Ministru no Ministru Koordenadór ba Assuntu Ekonómiku, Ministru Turizmu no Ambiente, Dato’ Seri Francisco Kalbuadi Lay hala’o enkontru ida ho Prezidente Konsellu Administrasaun Banco Nacional de Comércio de Timor-Leste (BNCTL), Januario da Gama ho nia Prezidente Komisaun Ezekutiva, Marcelo da C. Carvalho hodi atualiza informasaun ba malu kona-ba lala’ok serbisu no operasaun BNCTL niań hafoin estrutura foun simu posse.

Exselensia Vise – PM fó tomada posse ba Prezidente Konsellu Administrasaun, Januario da Gama no Prezidente Komisaun Ezekutiva, Marcelo da C. Carvalho iha Banco Nacional de Comercio de Timor Leste (BNCTL) ho mandatu tinan rua 2025-2027 iha Centro de Convenções de Dili (CCD) iha loron 20 Marsu 2025.