Vise-Primeiru-Ministru no Ministru Koordenadór ba Asuntu Ekonómiku, Ministru Turizmu no Ambiente, Francisco Kalbuadi Lay akompaña Prezidente Repúblika (PR), José Ramos-Horta ho Primeiru-Ministru (PM), Kay Rala Xanana Gusmão inklui Primeiru-Ministru (PM), Malázia, Dato’ Seri Anwar Ibrahim selebra lansamentu ba projetu konstrusaun International Convention Center (ICC), iha Porto Dili.
Objetivu hosi lansamentu ba projetu ne’e atu revitaliza kapitál nia tasi-ibun no halo Dili sai destinu ba eventu internasionál boot sira, hodi promove turizmu, hasa’e ekonomia no kria oportunidade foun ba komunidade lokál.
Kompleksu ne’e sei inklui edifísiu prinsipál ba Sentru Konvensaun Internasionál, ho sala konferénsia, auditórius no pavillaun espozisaun nian, nune’e mós áreas komplementáres lazer no turizmu nian, inklui paseiu ida hodi la’o iha kais nia sorin, akuáriu ida no sentru entretenimentu no komérsiu ida.
Projetu konstrusaun 𝐂𝐞𝐧𝐭𝐫𝐨 𝐈𝐧𝐭𝐞𝐫𝐧𝐚𝐜𝐢𝐨𝐧𝐚𝐥 𝐝𝐞 𝐂𝐨𝐧𝐯𝐞𝐧çõ𝐞𝐬 𝐝𝐞 𝐃í𝐥𝐢 ne’e aprezenta husi Vise-Primeiru-Ministru no Ministru Koordenadór ba Asuntu Ekonómiku, Ministru Turizmu no Ambiente, Francisco Kalbuadi Lay iha reuniaun Konsellu Ministru iha Palásiu Governu Dili, iha Kinta, loron 18 fulan Setembru tinan 2025.
Media V-PM no MCAE
