Parlamentu Nasionál (PN) aprova ona Orsamentu Jerál Estadu (OJE), tinan fiskál 2026 ba Gabinete Vise-Primeiru-Ministru ba Asuntu Ekonómiku iha sesaun debate no votasaun ba 𝐏𝐫𝐨𝐣𝐞𝐭𝐮 𝐏𝐫𝐨𝐩𝐨𝐬𝐭𝐚 𝐋𝐞𝐢 (𝐏𝐏𝐋) 𝐧𝐨.𝟐𝟑/𝐕𝐈 (𝟑𝐚) kona-bá Orsamentu Jerál Estadu (OJE) tinan fiskál 2026 faze espesialidade iha loron daruak nian, Sesta, 14 Novembru 2025 ho total submisaun $𝟔𝟏𝟔,𝟎𝟎𝟒, fahe bá kategoria Saláriu no Vensimentu $𝟐𝟔𝟐,𝟐𝟑𝟏, Bens no Servisus Rekorrentes $𝟐𝟗𝟐,𝟎𝟗𝟓 ho Kapitál Minór $𝟔𝟏,𝟔𝟕𝟖.

Deputadu sira iha Parlamentu Nasionál halo aprovasaun bá orsamentu ne’e ho votus a favór 𝟒𝟏, kontra 𝟏 no abstensaun 𝟐𝟐. Orsamentu ne’e rasik sei ezekuta bá programa ida, sub programa rua no atividade lima.

Iha fali sesaun loraik nian, deputadu no deputada sira iha Parlamento mós aprova tan OJE 2026 ba Ministériu Koordenadór ba Assuntu Ekonómiku ho totál submisaun $𝟖.𝟖𝟕𝟒,𝟑𝟏𝟏. Husi total osan ne’e fahe ba kategoria Salariu no Vensimentu hamutuk $𝟏,𝟕𝟐𝟒,𝟑𝟏𝟏, Bens no Servisus hamutuk $𝟐,𝟎𝟎𝟎.𝟎𝟎𝟎, Transferensia Públika nian mak $𝟏𝟓𝟎,𝟎𝟎𝟎 no kategoria Kapital Dezenvolvimentu nian hamutuk $𝟓,𝟎𝟎𝟎.𝟎𝟎𝟎.

Membru Parlamentu Nasionál sira aprova osan ne’e ho votu Avafor 𝟒𝟏, Kontra 𝟐 no Abstensaun 𝟐𝟏. Husi rezultadu votasaun ne’e katak, OJE 2026 ba MKAE ne’e aprovadu ka passa iha votasaun espesialidade.