Sua Exselensia Vise-Primeiru Ministru no Ministru Koordenadór ba Assuntu Ekonómiku, Ministru Turizmu no Ambiente, Dato’ Seri Francisco Kalbuadi Lay kontinua lidera enkontru interministerial sira ne’ebé responsavel ba ezekusaun polítika ba área governasaun ho aspetu ekonómiko hodi Plano Anual Pos-Adezaun Timor-Leste nian ba Organizasaun Mundial ba Komersiu (OMK) iha salaun Ministériu Negósiu Estranjeiru no Kooperasaun (MNEK), Tersa, 18 Marsu 2025.

Partisipa iha enkontru interministerial ne’e kompostu husi Ministru Transporte no Komunikasaun Miguel Marques Gonçalves Manetelu, Ministru Agrikultura, Pekuária, Peska no Florestas Marcos da Cruz, Ministru Komérsiu no Indústria Filipus Nino Pereira, Vise-Ministra ba Asuntus ASEAN Milena Maria da Costa Rangel, Sekretáriu Estadu Kooperativas Arsénio Pereira da Silva, Sekretáriu Estadu Formasaun Profisionál no Emperrou, Rogério Araújo Mendonça no Governador Banco Central Timor-Leste (BCTL) Helder Lopes.