Exselensia Vise – Primeiru Ministru no Ministru Koordenadór ba Assuntu Ekonómiku, Ministru Turizmu no Ambiente, Dato’ Seri Francisco Kalbuadi Lay akompaña Sua Exselensia Prezidente Repúblika no Sua Exselensia Primeiru-Ministru inklui husi Ministru Negósiu Estranjeiru no Kooperasaun, Bendito dos Santos Freitas simu eis Primeiru-Ministru Kambodia atual Prezidente Senadu Reinu Kambodia nian, Samdech Akka Moha Sena Padei Techo Hun Sen ho nia komitiva sira iha aeroporto internasional Prezidente Nicolau Lobato iha Komoro-Dili, 07 Maio 2025.

Samdech Hun Sen maka polítiku Kamboja ida, no eis-jenerál ezérsitu nian ne’ebé agora daudaun serbisu nu’udar prezidente Senadu nian. Antes ne’e nia serbisu nu’udar Primeiru-Ministru Kamboja nian hosi tinan 1985 to’o 1993 no hosi tinan 1998 to’o 2023. Hun Sen mak xefe governu nian ne’ebé serbisu kleur liu iha istória Kambodia nian.

Tuir ajenda, eis Primeiru-Ministru Kamboja Samdech Hun Sen ho nia komitiva sira sei to’o Timor-Leste iha loron 07 Maio 2025 no loron 09 Maio 2025 mak foin fila-fali ba Kambodia.

Vizita ofisial ne’e atu hametin liu-tan relasaun bilateral entre rai rua nian iha área oioin.